Nahi Hai...

Labon Pe Tumhare Muskurahat Nahi Hai,
Aankhon Mein Tumhari Kahi Raahat Nahi Hai...
Tum Bade Rukhe Rehte Ho Zamane Se Jaanam,
Kya Dil Mein Tumhare Koi Chaahat Nahi Hai...

Ye Pyar Kya Mera Amaanat Nahi Hai,
Chehre Pe Tumhare Koi Ghabraahat Nahi Hai...
Tum Bade Beparwah Se Firte Ho Koochon Mein,
Kya Mann Mein Tumhare Sarsarahat Nahi Hai...

Kadmon Mein Tumhare Koi Aahat Nahi Hai,
Cheekhon Mein Bhi Tumhari Koi Karrahat Nahi Hai...
Tum Chupchap Se Har Pal Jalte Ho,
Kya Mera Sath Tumhare Layak Nahi Hai...

Ye Lahoo Hai Mera Koi Sajaawat Nahi Hai,
Tum Bin Zindgi Koi Gungunaahat Nahi Hai..
Tum Har Ashq Par Haste Ho Humare,
Ye Maiyyat Hai Meri Koi Daawat Nahi Hai...

21/1/11
During Numerical Methods' Lecture... :P

-Ashi...

Ho Na Ho...

Lamhe Ye Hmesha Sang Ho Na Ho,
Chahat Me Ye Tarang Ho Na Ho...
Aaj To Ghanto Bitate Hain Sath Yun,
Kal Ye Saath Munasib Ho Na Ho...

Guzarte Hain Wo Nazrein Chhupa Ke Humse,
Naino Ki Talaash Fir Khatm Ho Na Ho...
Aaj To Bahaane Dhundte Ho Door Jaane Ke,
Kal Paas Aane Ke Bahaane Ho Na Ho...

Teri Har Chah Ko Poora Karenge Hum,
Humare Bas Me Chahe Ho Na Ho...
Tere Har Hukm Ki Farmaani Karenge,
Humare Dil Ka Farmaan Ho Na Ho...

Dekh Kar Humein Barham Hote Ho Tum Hmesha,
Muskaan Kabhi Fir Hothon Pe Ho Na Ho...
Aaj To Dukhon Ki Koi Inteha Nahi Hai,
Kal Fir Na Jaane Ye Gham Ho Na Ho...

Humara Dil Rota Hai Tumse Chhup Chhup Kar,
Aankhein Humari Chahe Nam Ho Na Ho...
Aaj Sata Lo Jitna Sataana Hai Ashi Ko,
Kal Kisne Dekha, Hum... Ho Na Ho...


Dated:- 01/01/11
Time:- 01:11 AM

-Ashi...